ચેલેન્જ! તમે તમારી જ આ આંગળીને ઊંચી નહીં કરી શકો

Please log in or register to like posts.
News

ધ પેરેલાઇઝ્ડ ફિંગર ચેલેન્જ

ચાલો આજે તમારા માટે એક ચેલેન્જ છે જોઈએ તમે કરી શકો છો કે નહીં. વધુ કંઈ નહીં પરંતુ તમારે તમારા હાથની રિંગ ફિંગરને અમે કહીએ એ રીતે ઊંચી કરી દેખાડવાની છે. બોલો છે મંજૂર? છે ચેલેન્જ સ્વીકારવાની હિંમત તો આગળ વાંચો?

ચાલો આ રીતે રાખો હાથ

તમારો હાથ લો અને વચ્ચેની આંગળી(મધ્યમા)ને વાળીને ટેબલ પર રાખો. હાથ ટેબલ પર રાખો એટલે કે એક છોડીને બાકીની આંગળીઓને પ્રસરાવો હવે વીડિયોમાં દેખાડી છે તેમ એક એક કરીને તમામ આંગળીઓને ઊંચી કરવાનો પ્રયાસ કરો.

હવે એકબાદ એક એમ આંગળીઓ કરો ઊંચી

પહેલા અંગૂઠો ઉઠાવો, હવે પહેલી એટલે કે તર્જની આંગળી ઊંચી કરો, તે બાદ ટચલી આંગળીને ઊંચી કરો તે પણ થઈ જશે. હવે તમીરી રિંગ ફિંગરને ઊંચી કરો. તમે ગમે તેવા બાહુબલી હશો તો પણ આંગળી તો ઊંચી નહીં જ થાય છે. ગમે તેટલું જોર લગાવવા પર પણ થોડી સરખી પણ નહીં ઉઠાવી શકો. આ પાછળ તમારા શરીરનું વિજ્ઞાન જવાબદાર છે.

પહેલું કારણ

શરીરમાં હાડાક અને માંસપેશીઓ ભેગા થઈને અંગોની હલનચલનનું કામ કરે છે. એટલું તો તમને જાણતા હશો. ત્યારે હાથની તર્જની અને ટચલી આંગળીના હલનચલન માટે એક્સટેન્સર મસલ્સ અલગથી હોય છે. જ્યારે વચલી આંગળી અને રિંગ ફિંગરના હનલચલન માટેના એક્સટેન્સર મસલ્સ એકબીજા સાથે જોડાયેલા હોય છે જેને એક્સટેન્સર ડિજિટોરમ કહેવાય છે. આ કારણે જ બંને આંગળી મોટાભાગે એકસાથે હલનચલન કરે છે.

બીજુ કારણ

હાડકા અને માંસપેશીઓનું જોડાણ જ બોડીના હલનચલન માટે પૂરતું નથી. તેમને ચલાવવા માટે ‘ત્રીજી’ વસ્તુની જરુર પડે છે તે છે ‘નસ’ આ નસ એટલે જેને અંગ્રેજીમાં નર્વ કહેવાય છે જે ચેતાતંતૂઓની બનેલી હોય છે. નહીં કે લોહીનું પરિભ્રમણ કરતી નસ. દરેકના હાથમાં આવી બે જ પ્રકારની નર્વ હોય છે. રેડિયલ નર્વ અને ઉલ્નર નર્વ.

આ રીતે કરે છે કામ

રેડિયલ નર્વ અંગૂઠો, તર્જની અને મધ્યમાના કેટલાક ભાગ સુધી સિગ્નલ પહોંચાડે છે. જ્યારે ઉલ્નર નર્વ ટચલી આંગળી, રિંગ ફિંગર અને મધ્યમા આંગળીના કેટલાક ભાગ સુધી સિગ્નલ પહોંચાડે છે. હવે વાત એમ છે કે રિંગ ફિંગર અને મધ્યમા સુધી સંદેશો લઈ જતી નર્વ એકબીજામાં ફસાયેલી છે જેમ ઇલેક્ટ્રિકના બે તાર એકબીજામાં વળ ચડીને ફસાયા હોય તેમ. આ કારણે મગજમાંથી પ્રસારીત થયેલો સંદેશો બંને હાથની આંગળીને મળે છે. એટલે જ જ્યારે પણ રિંગ ફિંગરનું હલનચલન કરો ત્યારે મધ્યમા પણ હલેચલે છે.

પરંતુ જો કોઈની આ આંગળી ઊંચી થાય તો…

હા, ચોક્કસ આવું થઈ શકે છે યૂટ્યુબ પર ‘the paralyzed finger’ સર્ચ કરશો તો એવા અનેક વીડિયો મળી જશે જેમાં લોકોની રિંગ ફિંગર મધ્યમા ફિંગર દબાયેલી હોય તો પણ ઉંચી થાય છે. આવું થવા પાછળનું કારણ એ છે કે કેટલાક લોકોમાં એકસ્ટેંસર ડિજિટોરમની સમસ્યા નથી હોતી. એટલે કે તેમના મસલ્સ એકબીજા સાથે પૂરી રીતે જોડાયેલા નથી હતો. જેથી મધ્યમાના સપોર્ટ વગર પણ રિંગ ફિંગરનું હલનચલન કરી શકે છે.

તમે આ લેખ “JO BAKA” ના સહયોગ થી વાંચી રહ્યા છો. આર્ટિકલ વાંચવા બદલ આભાર

7 લાખ ગુજરાતીને ગમ્યું છે આ પેઈજ..!! શું તમે આપણું ફેસબુક પેઈજ હજુ નથી લાઈક કર્યું ?

દોસ્તો, આર્ટિકલ વાંચીને મજા પડી ને? બસ એવું જ કઈંક નવું જાણવાં માટે અમને સપોર્ટ કરતા રહો અને આર્ટિકલ વધુમાં વધુ શેર કરો

Source: IamGujarat

Advertisements

Comments

comments

Reactions

2
1
1
0
0
0
Already reacted for this post.