મસાણમાં કાલિકા, ચિતા પર મંદિર, દર્શન કરવાથી થશે મનોકામના પૂરી

Please log in or register to like posts.
News

અહીં સ્મશાન ભૂમિ પર માઁ કાલિકાનો ચમત્કાર

દેવી ભાગવત પુરાણમાં માં કાલિકા વિશે એવો ઉલ્લેખ કરવામાં આવ્યો છે કે તેઓ વિનાશ માટે પ્રગટ થયાં છે. જ્યારે વિનાશ કરવાનો હોય ત્યારે દેવી માં આદિશક્તિ કાલિનું રૂપ ધારણ કરે છે. પરંતુ માં કાલિકાને ભક્તોની મનોકામના સિદ્ધ કરવાવાળી પણ બતાવવામાં આવી છે. દેવીનું એક સ્વરૂપ સ્મશાન કાલિનું છે જે વિનાશ કરે છે અને બીજી સૌમ્યમૂર્તિ ભદ્રકાલી છે જે સુખ-સમૃદ્ધિ પ્રદાન કરે છે. પરંતુ એક એવી મૂર્તિ પણ છે જે સ્મશાન કાલિકા હોવા છતાં તમામની ઇચ્છા પૂરી કરે છે. આવો જાણીએ દેવી કાલિકાની આ દિવ્ય મૂર્તિ વિશે.

ચિતા ઉપર માતાનું ભવ્ય મંદિર

બિહારના દરભંગા શહેરમાં લિલત નારાયણ મિથિલા વિશ્વવિદ્યાલયના આંગણે માં કાલિનું એક ભવ્ય મંદિર છે, જેને અહીં શ્યામા કાલિના નામથી ઓળખવામાં આવે છે. માતાનું મંદિર બનાવવામાં આવ્યું તે જગ્યા સ્મશાનની ભૂમિ છે. એક સમયે અહીં દરભંગા રાજ પરિવારના લોકોની ચિતા સજાવાઇ હતી. મહારાજા રામેશ્વર સિંહની ચિતા પર માતાનું મંદિર બનાવવામાં આવ્યું છે.

કાલિના સ્વરૂપમાં છે દેવી સીતા

માં શ્યામા મંદિરની આસપાસ અનેક એવાં મંદિર છે જે કોઇને કોઇ રાજપરિવારની ચિતા પર બન્યાં હોય. મહારાજા રામેશ્વર સિંહના સેવક લાલસિંહે રામેશ્વર ચરિતમાં લખ્યું હતું કે માં શ્યામા દેવી સીતાનું સ્વરૂપ છે. રાવણનો વધ કર્યા બાદ દેવી સીતાએ કહ્યું હતું કે જે સહસ્ત્રાનનો વધ કરશે તે જ અસલી વીર હશે. દેવી સીતાનું આવું કહેવા પર ભગવાન રામ સહસ્ત્રાનનો વધ કરવા ગયા હતા અને તેઓ સહસ્ત્રાનનના બાણથી ઘાયલ થઇ ગયા હતા. વાલ્મિકીની રામાયણમાં આ ઘટનાનો ઉલ્લેખ છે.

પ્રગટ થયાં દેવી

રામ ઘાયલ થતાં દેવી સીતા ક્રોધિત થયેલાં દેવી સીતાનો રંગ શ્યામ થઇ ગયો અને તેઓ કાલિકા જેવાં દેખાવા લાગ્યાં. ગુસ્સામાં એમણે હસ્રાનનનો વધ કર્યો. તેમ છતાં દેવીનો ક્રોધ શાંત ન થતાં તેમને શાંત કરવામ માટે ખુદ ભગવાન રામ તેમના ચરણો નીચે આવી ગયા હતા.

માતાનો ચમત્કાર

મસાણની ભૂમિ પર સામાન્ય રીતે કોઇપણ કાર્ય કરવામાં નથી આવતું, એટલું જ નહીં લગ્નના 1 વર્ષ સુધી સ્મશાનમાં જતા પણ લોકો ડરે છે. પણ શ્યામા માતાનો એટલો ચમત્કાર છે કે નવા વરઘોડિયાં વિવાહ થતાંની સાથે જ માતાના દર્શને આવે છે. એટલું જ નહીં, આ મંદિરમાં લગ્ન પણ કરવામાં આવે છે.

ઇચ્છા પૂરી કરે છે માતા

આ મંદિર વિશે એવી માન્યતા છે કે અહીં માગેલી કોઇપણ મનોકામના પૂરી જરૂર થતી હોય છે. માં શ્યામા પર જે કોઇની કૃપા હોય એમના જીવનમાં કોઇ દુઃખ ન આવે. આવી માન્યતાના કારણે જ દર વર્ષે દેવીના મંદિર આવતા ભક્તોની સંખ્યામાં વધારો થઇ રહ્યો છે. નવરાત્રીના દિવસોમાં તો અહીંની રોનક જ અલગ હોય છે.

તમે આ લેખ “JO BAKA” ના સહયોગ થી વાંચી રહ્યા છો. આર્ટિકલ વાંચવા બદલ આભાર

7 લાખ ગુજરાતીને ગમ્યું છે આ પેઈજ..!! શું તમે આપણું ફેસબુક પેઈજ હજુ નથી લાઈક કર્યું ?

દોસ્તો, આર્ટિકલ વાંચીને મજા પડી ને? બસ એવું જ કઈંક નવું જાણવાં માટે અમને સપોર્ટ કરતા રહો અને આર્ટિકલ વધુમાં વધુ શેર કરો

Source link: IamGujarat

Advertisements

Comments

comments

Reactions

0
0
0
0
0
0
Already reacted for this post.