ગરદન કાળી પડી ગઈ હોય તો કરો આ ઘરેલુ ઉપાય, ઈન્સ્ટન્ટ રિઝલ્ટ મળશે

Please log in or register to like posts.
News

ગરદનની સુંદરતાઃ

સુંદર દેખાવુ કોને ન ગમે? પરંતુ શરીરને સ્વસ્થ અને સુંદર રાખવા માટે ઘણી મહેનત કરવી પડે છે. આપણે ચહેરા પરની સ્કિનનું તો ધ્યાન રાખીએ છીએ પરંતુ શરીરના એવા કેટલાંય હિસ્સા છે જે આપણા ધ્યાન બહાર રહી જાય છે. ગરદન પણ આપણા શરીરનો આવો જ એક ભાગ છે.

કાળી ગરદનઃ

શરીર કરતા ગરદન કાળી પડે તે અવસ્થાને અકેંથિસિસ્નિગ્રિકેન્સ કહેવામાં આવે છે. ગરદનની સુંદરતાને ખરાબ કરવા માટે ગરદન પર પડતી કરચલીઓમાં મેલ ભરાઈ જાય છે જેને કારણે ગરદન કાળી અને ખરાબ દેખાય છે.

ગરદન કાળી પડવાનું કારણઃ

ગરદન કાળી પડવા પાછળ અનેક કારણ છે. ગરદનની બરાબર સફાઈ ન રાખવામાં આવે તો તેમાં ધૂળ અને ગંદકી ભરાઈ જાય છે જેને કારણે તે કાળી દેખાય છે. ઘણી વાર તમે લાંબો સમય સુધી તાપમાં રહો તો ત્યાં મેલેનિન બનવા માંડે છે જેને કારણે પહેલા કરતા ગરદન કાળી થઈ જાય છે.

પસીનો પણ હોઈ શકે કારણઃ

જો તમને વધારે પરસેવો થતો હોય તો પણ ગરદન કાળી પડી શકે છે. લાંબો સમય પરસેવો થાય તો યૂરિક એસિડને કારણે તમારી ગરદનની ત્વચા કાળી થઈ જાય છે.

માર્કેટમાં મળતા ક્રીમ કેટલા અસરકારક?

માર્કેટમાં ગરદનની કાળાશ દૂર કરવા માટે અને સુંદરતા નીખારવા માટે અનેક ક્રીમ મળે છે પરંતુ અમે આજે તમને એક એવો નુસખો જણાવીશું જેને કારણે તમારા ગળાની કાળાશ ચપટી વગાડતામાં દૂર થઈ જશે.

લીંબુનો રસઃ

લીંબુના રસમાં એસિડ હોય છે જે શરીરના અંગોનું કાળાપણુ દૂર કરવામાં મદદ કરે છે. તમારી ગરદનની સુંદર વધારવા માટે લીંબુ બ્લીચનું કામ કરી શકે છે. આ માટે તમારે બસ નીચે જણાવ્યા મુજબની પ્રક્રિયા કરવાની છે.

લીંબુના રસનો નુસખોઃ

અડધી ચમચી લીંબુના રસમાં એક ચમચી ગુલાબજળ મિક્સ કરી આખા ગળામાં વ્યવસ્થિત રીતે લગાવી દો. આખી રાત તેને રહેવા દો. સવારે ગરદન પાણીથી ધોઈ લો. આમ કરવાથી તમારી ગરદન થોડા જ દિવસમાં ચમકી જશે.

લીંબુ અને મધના પાણીનો નુસખોઃ

મધ આપણા શરીરમાં ચમક લાવવાનું કામ કરે છે. લીંબુ અને મધનો ઉપયોગ ગરદન પર કરશો તો એકદમ સાફ અને નીખરેલી ગરદન મળશે. બે ચમચી લીંબુના રસને એક ચમચી મધમાં મિક્સ કરી પેસ્ટ બનાવી લો અને અડધો કલાક ગરદન પર લગાવી રાખો. અડધા કલાક બાદ ધોઈ નાંખો. ગરદન ધોતી વખતે મસાજ કરી ધુઓ જેથી બધી જ ગંદકી નીકળી જાય.

બેકિંગ સોડાઃ

બેકિંગ સોડા દરેક ગૃહિણીના રસોડામાં વપરાય છે. તેનો ઉપયોગ માત્ર રસોઈ કરવા માટે જ નહિં પરંતુ ગરદનની સફાઈમાં પણ કરી શકો છો. તેને પાણીમાં મિક્સ કરી પેસ્ટ બનાવો. આ પેસ્ટને ગરદન પર 15 મિનિટ લગાવી છોડી દો. આમ કરવાથી ગરદન પર જામેલી ગંદકી અને ડાઘા-ધબ્બા દૂર થઈ જશે. તે ત્વચા પર હાઈપર પિગ્મેન્ટેશન દૂર કરવામાં પણ મદદ કરશે.

દહીંઃ

દહીં માત્ર ખાવામાં જ નહિ પરંતુ શરીરની સુંદરતા નિખારવામાં પણ મદદરૂપ બને છે. ગરદન પણ જામેલા મેલને દુર કરવા માટે એક મોટી ચમચી દહીંમાં હળદર મિક્સ કરી પેસ્ટ બનાવી લો. આ પેસ્ટને ગરદન પર લગાવી છોડી દો. 15 મિનિટ બાદ હૂંફાળા પાણીથી મસાજ કરી તેને ધોઈ નાંખો. થોડા જ દિવસમાં ફરક દેખાશે.

Source: IamGujarat

Advertisements

Comments

comments

Reactions

0
0
0
0
0
0
Already reacted for this post.