જાણો, હનુમાનજીએ સમુદ્રમાં કેમ ફેંકી દીધી પોતે જ લખેલી રામાયણ?

Please log in or register to like posts.
News

દરિયામા ફેંકી દીધી રામાયણ

શાસ્ત્રો મુજબ સૌથી પહેલા રામ ભક્ત હનુમાનજીએ રામાયણની રચના કરી હતી. પણ તેમણે લખેલી રામાયણને પોતાના હાથે જ ફાડીને સમુદ્રમાં ફેંકી દીધી હતી. બજરંગબલીનું આવું કરવા પાછળનું કારણ શું હતું તે આવો જાણીએ.

આ માટે લખવામાં આવી આટલી બધી રામાયણ

ભગવાન રામની લીલાનું વર્ણન કરતી અનેક રામાયણ લખવામાં આવી છે. જે પ્રભુ રામ વિશે જેટલું જાણતા હતા તે મુજબ જ તેમણે રામાયણની રચના કરી. આપણામાથી મોટાભાગના લોકો વાલ્મીકિની રામાયણ વિશે જ જાણીએ છીએ. પણ વાલ્મીકિ તો અયુધ્યાપુરીમાં રહેતા હતા, એવામાં દંડકારણ્યમાં ભગવાન રામ સાથે શું-શું ઘટના બની તે દંડકારણ્યના ઋષિ જ જાણતા હતા. એવી રીતે અનેક રામાયણ અસ્તિત્વમાં આવી.

આટલા માટે પ્રસિદ્ધ છે વાલ્મીકિ રામાયણ

તમામ રામાયણોમાં વાલ્મીકિને માન્યતા મળી છે કેમ કે તેઓ એક મહાન ઋષિ હતા અને ખુદ ભગવાન હનુમાને તેમને પ્રાધાન્ય આપ્યું હતું.

ત્યારે હનુમાને કરી હતી રામાયણની રચના

શાસ્ત્રો મુજબ ભક્ત શિરોમણિ હનુમાન દ્વારા લખવામાં આવેલી રામાયણને હનુમદ રામાયણના નામથી ઓળખવામાં આવે છે. રાવણ પર વિજય પ્રાપ્ત કર્યા બાદ ભગવાન રામ અયોધ્યા પર રાજ કરવા લાગ્યા ત્યારે હનુમાનજીએ રામાયણની રચના કરી હતી.

પ્રભુ રામની આજ્ઞા લઇને હિમાલય ગયા હતા હનુમાન

ભગવાન રામની આજ્ઞા મળી જતાં હનુમાનજી હિમાલયની સફરે નીકળી પડ્યા હતા. જ્યાં શિવ આરાધના સમયે દરરોજ તેઓ રામાયણની કથાને પોતાના નખથી તેઓ પથ્થરની શિલા પર લખતા હતા.

શિવજીને દેખાડવા કૈલાશ પર્વત ગયા હતા

હનુમાન જી એક દિવસ આ શિલાને ઉઠાવી કૈલાશ પર્વત પર લઇ જાય છે અને ભગવાન શિવને પોતાની લખેલી રામાયણ દેખાડે છે. થોડા સમય બાદ વાલ્મીકિ પણ પોતાની રામાયણ લઇને ભગવાન શિવ સમક્ષ જાય છે. એવામાં ઋષિવર જુએ છે કે ત્યાં પહેલેથી જ શિલા પર રામાયણ લખેલી પડી છે, જેને ખુદ રામભક્ત હનુમાને લખી હતી. આ જોઇ નિરાશ થયેલા ઋષિ પરત ચાલવા લાગે છે.

ઋષિ વાલ્મીકિને આ ચિંતા હતી

ઋષિ વાલ્મીકિને નિરાશ થઇને પરત જતા જોઇ હનુમાનજીએ આ અંગેનું કારણ પૂછે છે, ત્યારે ઋષિ વાલ્મીકિ જણાવે છે કે, પ્રભુ બહુ તપસ્યા બાદ મેં આ રામાયણ લખી હતી પણ તમારી લખેલી રામાયણ આગળ મારી રામાયણ તો કંઇ જ નથી.

હનુમદ રામાયણ દરિયામાં સમાઇ ગઇ

આ સાંભળીને હનુમાનજીને બહુ દુઃખ થયું. ત્યારે તેમણે એક ખભા પર રામાયણ લખેલી શિલા ઉઠાવે છે અને બીજા ખભા પર ઋષિ વાલ્મીકિને બેસાડે છે અને સમુદ્રમાં લઇ જાય છે. જ્યાં હનુમાનજીએ ઋષિ વાલ્મીકિની નજરની સામે જ પોતાની રામાયણ લખેલી શિલાને શ્રી રામને સમર્પિત કરતાં સમુદ્રમાં ફેંકી દે છે. આ કારણે જ હનુમદ રામાયણ ઉપલબ્ધ નથી.

તમે આ લેખ “JO BAKA” ના સહયોગ થી વાંચી રહ્યા છો. આર્ટિકલ વાંચવા બદલ આભાર

7 લાખ ગુજરાતીને ગમ્યું છે આ પેઈજ..!! શું તમે આપણું ફેસબુક પેઈજ હજુ નથી લાઈક કર્યું ?

દોસ્તો, આર્ટિકલ વાંચીને મજા પડી ને? બસ એવું જ કઈંક નવું જાણવાં માટે અમને સપોર્ટ કરતા રહો અને આર્ટિકલ વધુમાં વધુ શેર કરો

Source link: IamGujarat

Advertisements

Comments

comments

Reactions

0
0
0
0
0
0
Already reacted for this post.